वृजराज कुशवाहा
भैरहवा, २४ पुस ।
रूपन्देहीकाे भैरहवामा बनाइन थालिएकाे गौतमबुद्ध विमानस्थलकाे निर्माण कार्यमा भैरहेकाे चरम ढिलाइका कारण सरकारले पटकपटक सफाइ दिने तथा मन्त्रीहरू विमानस्थल पुगेर निरिक्षण गरी ठेकदारलाइ ताकेता गर्ने गरेकाे समाचार बाहिर आउने गरेका छन् तर निर्माण कार्य गरिरहेकाे चिनियाँ ठेकदार कम्पनीले थप समयकाे माग गर्दै निर्माणकार्य लम्ब्याउदै आएकाे छ । विमानस्थल निर्माणमा चिनियाँ ठेकदार कम्पनीकाे लापरवाहीका प्रमाणहरू पटकपटक सार्वजनिक हुदै आएका छन् ।
याे समाचार पनि पढनुहाेस् ….
जबकि यसै विमानस्थल तथा लुम्बिनीलाइ मध्येनजर भारतले उत्तरप्रदेशकाे कुशीनगर विमानस्थललाइ अन्तरराष्ट्रिय विमानस्थलकाे रूपमा विकास गरेकाे छ । लुम्बिनीलाइ लक्षित गरि भैरहवामा बनाइन थालिएकाे अन्तरराष्ट्रिय विमानस्थलबाट भारतलाइ पर्न जाने नाेक्सानीलाइ कम गराउन भारतले उत्तरप्रदेशकाे कुशीनगर विमानस्थललाइ विस्तार गरि अन्तरराष्ट्रिय विमानस्थलकाे रूपमा विकास गरेकाे हाे । तर गाैतमबुद्ध विमानस्थलमा भइरहेकाे चिनियाँ चरम लापरवाहीका कारण अझै पनि निर्माण सफल भएकाे छैन । एशियाली विकास बैंकले कारवाही शुरू गरेकाे छ ।
तर भारतले एक वर्षमै अन्तरराष्ट्रिय विमानस्थल बनाउन सफल भएकाे छ । सन् २०२० मा घाेषणा गरिएकाे कुशीनगर विमानस्थललाइ १ वर्षमै अन्तरराष्ट्रिय विमानस्थलकाे रूपमा परिणत गर्न सफल हुनुकाे पछाडिकाे रहस्य के हाेला ? पढ्नुहाेस् विस्तृत समाचार …
वास्तवमा भगवान बुद्धको महापरिनिर्वाण स्थल कुशीनगर घुम्न आउने पर्यटकहरूमा थाइल्याण्डका बौद्ध धर्मावलम्बीहरू श्रीलंकापछि दोस्रो नम्बरमा छन्। त्यहाँ थाई शाही परिवारद्वारा सञ्चालित बुद्ध विहार पनि छ। यही कारणले डेढ दशकअघि थाई सरकारले बैंककबाट सिधा उडान गर्ने प्रयास गरेको थियो । उनले यहाँ आफ्नो अस्थायी राहदानी कार्यालय पनि खोलेका छन् ।
- अन्तर्रा्ष्ट्रिय विमानस्थल सञ्चालनमा आएपछि अपेक्षाको अनुभूति भएको थियो ।
कुशीनगर अन्तर्रा्ष्ट्रिय विमानस्थल सञ्चालनमा आएपछि यसलाई आकार दिने अभ्यास तीब्र भएको छ । थाइल्यान्ड सरकारबाट नेपाल र भारतका लागि नियुक्त राजदूत डा फतेप बोधिवाङको नेतृत्वमा आधिकारिक राहदानीमा आएको सात सदस्यीय बौद्ध भिक्षुहरूको प्रतिनिधिमण्डलले पनि यस सम्बन्धमा सरकारसमक्ष आफ्नो धारणा राखेको छ । यहाँबाट फर्किएपछि उनले थाई सरकारलाई आफ्नो पहलबारे अवगत गराउनेछन् ।
- कुशीनगर अन्तर्रा्ष्ट्रिय विमानस्थल सञ्चालनकाे पछाडि गरिएका अपेक्षाहरू
लुम्बिनी भ्रमण गर्नका लागि आउने विदेशी पर्यटकहरू कुशीनगर अन्तरराष्ट्रिय विमानस्थलबाट प्रयाेग गरून र लुम्बिनीबाट फर्केर बास बस्न पुनः कुशिनगरनै जाउन भन्ने उदेश्य सफल बनाउन आवश्यक पर्ने सुविधाजनक बाटाेकाे निर्माणलाइ तिब्रता दिइएकाे हाे ।
समाचार एजेन्सीका अनुसार कुशीनगर अन्तर्राष्ट्रिय विमानस्थललाइ राष्ट्रिय राजमार्ग २८सँग जोड्न चार लेनको सडक निर्माण गरिने भएको छ । यसका लागि ३३ करोड १९ लाख रुपैयाँ खर्च हुनेछ । सडक निर्माण विभागले काम ६ महिनामा पूरा हुने जनाएकाे छ । यसकाे काम गर्ने संस्था पीडब्लुडीले बुधबारदेखि काम सुरु गरेको हो । सडकको कुल लम्बाइ दुई किलोमिटर ३५० मिटर रहेको छ । सवारी आवागमनका लागि नौ मिटर चौडाइको दुई लेन बनाइनेछ । सडकको दुवैतर्फ दुई मिटर चौडा ट्र्याक निर्माण गरिनेछ । साथै, ढल निकासका लागि दुवैतर्फ एक मिटर चौडा नाली पनि निर्माण गरिनेछ । यसबाहेक सडकमा सडक बत्ती बाल्नका लागि एक मिटर चौडाइको बीचमा मञ्च तयार गरिनेछ। सडक निर्माण गर्न करिब ६ महिना लाग्ने छ । यो सडक निर्माण भएसँगै विमानस्थलको टर्मिनल भवन सिधै कुशीनगर राष्ट्रिय राजमार्ग–२८ सँग जोडिनेछ । जसले गर्दा यात्रुलाई सहज हुनेछ ।
- थाई सरकारले बैंककदेखि कुशीनगरसम्म सिधा उडान सुरु गर्ने
करिब डेढ दशकअघि थाई एयरवेजले बैंककदेखि कुशीनगरसम्म सिधा उडान सुरु गरेको थियो । यसका लागि यहाँ आएका थाई राजदूतले सरकारसँग कुरा पनि गरे पनि कुरा हुन सकेन । कुशीनगर अन्तर्राष्ट्रिय विमानस्थल निर्माणपछि यहाँबाट उडान सुरु भएसँगै थाई सरकारको चासो पनि बढेको छ । दुई दिनअघि औपचारिक भ्रमणमा कुशीनगर पुगेको सात सदस्यीय प्रतिनिधिमण्डलले भारत सरकारसँग उडान सुरु गर्न आग्रह गरेको थियो । तर यता गाैतमबुद्ध अन्तरराष्ट्रिय विमानस्थल निरिक्षण गर्न शनिवार विमानस्थल पुगेका संस्कृति, पर्यटन तथा नागरिक उड्डयनमन्त्री प्रेमबहादुर आलेले विमानस्थलकाे सञ्चालन आफ्नो मुख्य प्राथमिकता रहेको बताउदै विमानस्थल जतिसक्दो छिटो संचालनमा ल्याउने कुरा दाेहेार्याए ।
मन्त्री आलेले अहिले मौसममा आएको खराबीका कारण क्यालिब्रेसन फ्लाइटमा ढिलाइ भएको भन्दै मौसम सफा हुने वित्तिकै क्यालिब्रेसन फ्लाइट गर्न आयोजना प्रमुखलाई निर्देशन दिए । क्यालिब्रेसन फ्लाइटमा ढिलाइ भएको भन्दै मन्त्री आलेले असन्तुष्टि जनाउँंदै विभागका प्रमुखलाई फोन गरेर ढिला नगर्न निर्देशन दिएका थिए । मन्त्री आलेले गौतमबुद्ध विमानस्थलको आठ सय विघा जमिन हुँदासमेत एउटा मात्रै रन–वे किन बनाएको भन्दै आयोजना प्रमुख प्रवेश अधिकारीलाई प्रश्न समेत गरे ।
