- Advertisement -
पर्सा, २४ असोज
डा. मधु गुप्ता जसपा र नेकपा एमालेको साझा उम्मेदवारको रुपमा प्रदेशसभा सदस्यको प्रतिस्पर्धामा उत्रिएकी छन् ।
डा. मधु गुप्ता पर्सा क्षेत्र नं ३ (ख) बाट प्रतिस्पर्धामा आएकी हुन् । आइतबार स्थानीय नेता कार्यकर्ताको उल्लेख्य सहभागितामा मनोनयन दर्ता भएको हो ।
शुरुमा जसपाबाट क्षेत्र नं. ३ को प्रतिनिधिसभा सदस्यमा उनको नाम सिफारिस भएको थियो । एमालेसँग चुनावी तालमेल गर्ने भएपछि उनी प्रदेशसभा सदस्यमा प्रतिस्पर्धामा उत्रिएकी हुन् ।
जनताको सेवा र स्थानीय सरोकारहरुको सम्बोधनका लागि उनले प्रदेशसभामा सक्रिय भूमिका निभाउने भन्दै आफूलाई मत दिएर जिताउन आग्रह गरेकी छन् ।
चिकित्सा क्षेत्र छोडेर प्रत्यक्ष राजनीतिमा होमिएकी गुप्ता राजनीतिमा युवाहरुको सक्रियतालाई जोड दिँदै आएकी छन् ।
