काठमाडौं, २३ भदौ २०८२ – प्रधानमन्त्री निवास बालुवाटारमा मन्त्रिपरिषद्को बैठक जारी छ। प्रधानमन्त्री केपी शर्मा ओलीले नियमित कार्यसूचीसहित आज (सोमबार) काठमाडौंमा भएको Gen Z पुस्ताको आन्दोलन र त्यसबाट उत्पन्न हिंसात्मक घटनालगायत विषयमा छलफल गर्न यो बैठक आह्वान गरेका हुन्। उनको सचिवालयका अनुसार, बैठकमा हालको संवेदनशील परिस्थितिको समीक्षा र समाधानका उपायहरूबारे गहन छलफल भइरहेको छ।
बैठकअघि राष्ट्रिय सुरक्षा परिषद्को बैठक सम्पन्न भएको थियो, जहाँ प्रधानमन्त्री ओलीले सम्बन्धित मन्त्रीहरू र सुरक्षा निकायका प्रमुखहरूसँग पछिल्लो सुरक्षा अवस्थाबारे छलफल गरेका थिए। Gen Z को भ्रष्टाचार र सामाजिक सञ्जाल प्रतिबन्धविरुद्धको प्रदर्शनमा प्रहरीको गोली प्रहारबाट १८ जनाको मृत्यु र २५६ जना घाइते भएको घटनाले स्थिति तनावग्रस्त बनेको छ।
सामाजिक सञ्जालमा प्रतिबन्ध र इन्टरनेट अवरोधले जनतामा आक्रोश बढिरहेको सन्दर्भमा सरकारले कस्तो रणनीति बनाउने भन्ने विषयमा यो बैठक महत्त्वपूर्ण मानिएको छ।
थप विवरण आउन बाँकी छ।
