नेपाली सेनाका प्रधानसेनापति प्रभुराम शर्मासँग भारतीय सेनाको आसाम राइफल्सका महानिर्देशक लेफ्टिनेन्ट जनरल प्रदीप चन्द्रन नायर, पीभीएसएम, एभिएसएम, वाईएसएम, पीएचडीले शिष्टाचार भेट गरेका छन् ।
नेपाली सेनाको मुख्यालय जङ्गीअड्डामा भएको शिष्टाचार भेटमा उनीहरुबीच द्विपक्षीय सम्बन्धलाई थप मजबुत बनाउने विषयमा छलफल भएको थियो ।
लेफ्टिनेन्ट जनरल नायरले नेपालका लागि भारतका राजदूत नवीन श्रीवास्तवसँग भारतीय दूतावासमा शिष्टाचार भेट गरेका थिए ।
नेपालको औपचारिक भ्रमणको सिलसिलामा उनी वैशाख ८ गते काठमाडौं आइपुगेका हुन् । उनलाई त्रिभुवन अन्तर्राष्ट्रिय विमानस्थलमा नेपालका लागि भारतका रक्षा सहचारी कर्णेल अमितकुमार शर्माले स्वागत गरेका थिए ।
आफ्नो पाँच दिने भ्रमणका क्रममा लेफ्टिनेन्ट जनरल नायरले BGSN काठमाडौं, साथै पोखरा र धरानमा निवृत्तिभरण भुक्तानी गर्ने कार्यालयहरूको भ्रमण गरे। उनले काठमाडौं, पोखरा र धरानमा नेपाली अधिवासित गोर्खा भूतपूर्व सैनिकको र्यालीलाई पनि सम्बोधन गरेका थिए ।
उनले गोरखा सैनिकको वीरताको प्रशंसा गर्दै उनीहरुको साहस र राष्ट्रप्रति समर्पित सेवालाई सलाम गरे । भारतीय दूतावासले जारी गरेको विज्ञप्तिमा भनिएको छ, जनरलले हाम्रा वीर गोर्खा दिग्गज सैनिकहरूको अमूल्य बलिदानको सम्झना गरे र उनीहरूको अर्थपूर्ण कल्याणका लागि असम राइफल्स, IA र GoI को निरन्तर प्रतिबद्धताको पुष्टि गरे।
