नवलपरासी । नेपाली कांग्रेसका नेता एवंम् संघीय सांसद विनोद चौधरीले थारु समुदायकाे हकहितका लागि राज्यले थप ध्यान दिनुपर्ने बताउनुभएको छ ।
नवलपरासीका थारु अगुवाहरूसित आज सनिवार नवलपरासीमा आयोजीत छलफल कार्यक्रममा सांसद चौधरीले नेपालको हरेक परिवर्तनमा ईतिहासदेखि वर्तमान अवस्थासम्म आईपुग्दा थारु समुदायको महत्वपुर्ण भुमिका रहेको बताउनुभएकाे हाे ।
सांसद चौधरीले थारु समुदायको जायज माग पुरा गर्न राज्य गम्भिर हुनुपर्ने बताउनुभयो । “यहाँ तपाईहरुले जति पनि विषय उठाउनुभएको छ, म गम्भीर छु । यसका लागि सबैतर्फबाट मैले भूमिका खेल्नेछु ।”
थारु समुदायको उत्थान र उनीहरुको समग्र समस्याका बारेमा गहन छलफल भएको भन्दै चौधरीले भन्नुभयो, ” मैले उहाँहरुले उठाउनुभएका विषय सम्बोधनका लागि संसद र सरोकारवाला निकायमा गम्भीर रुपमा उठान गर्नेछु । तपाईंहरुसङ्गै म पनि अगाडि बढ्नेछु ।”
