नवलपरासी । पश्चिम नवलपरासीकाे प्रतापपुरमा खाेलामा नुहाउने क्रममा डुबेर सुक्रवार एक बालककाे मृत्यु भएकाे छ ।
प्रतापपुर गाउँपालिकाकाे वडा न. ८ फटकी टोल बस्ने बुद्धु मल्लाहको छोरा वर्ष १० का अर्जुन मल्लाहकाे गाउँ नजिकै पुर्वपट्टीको रायपुरवा खोलामा नुहाउने क्रममा अपरान्ह ५ बजे पानीमा डुबेकाे स्थानीयवासीले बताएका छन् ।
खाेलामा डुबेर घाइते भएका मल्लाहलाइ उपचारका लागि लगिएकाे शहिद स्मृति सामुदायिक अस्पताल चौपाताले बेलुका ६ बजे मृत्यु भएकाे जनाएकाे थियाे ।
हिन्दु महिलाहरूकाे पावन पर्व जितिया व्रत बसेका व्रतालु महिलाहरू सांझपख नदी, तलाउ तथा पाेखरीमा नुहाउने चलन छ । साे चलन अनुसार नुहाउन गएका महिलाहरू नुहाउने क्रममा मल्लाह खाेलामा डुबेकाे बताइएकाे छ ।
गतवर्ष प्रतापपुर गाउँपालिकाकाे वडा नं. ६ मा जितिया व्रत मै नुहाउने क्रममा एकैघरका २ जना बालककाे डुबेर मृत्यु भएकाे थियाे ।
